Ўзбекистон Президенти Шавкат Мирзиёев Бухоро вилоятига ташрифи доирасида Бухоро темирйўл вокзалида йўловчилар учун яратилган шароитларни бориб кўрди. Бу ҳақда ЎзА хабар бермоқда.
Мазкур вокзал Ўзбекистон Биринчи Президенти Ислом Каримовнинг 2015 йил 6 мартдаги 2015—2019 йилларда муҳандислик-коммуникациялари ва йўл-транспорт инфратузилмасини модернизация қилиш ва ривожлантириш дастури тўғрисидаги қарорига асосан янгидан қурилиб, фойдаланишга топширилган.
Вокзал ичида VIP ва турли хизматлар кўрсатиш заллари, тиббиёт, она ва бола, дам олиш хоналари, кутубхона, буфет, савдо шохобчалари мавжуд. Бино ташқарисида 4 янги чиптахона ва фаввора қурилди.
Майдони 2,9 гектар бўлган вокзал бир вақтнинг ўзида 500 дан зиёд йўловчига хизмат кўрсатади. Бир кеча-кундузда 2 мингдан ортиқ йўловчини кутиб олиб, жўнатиш имкониятига эга.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)