Қорақалпоғистондаги агрофирмага 114 бош Янги Зеландия қуёни келтирилди: улар йилига тўрт бор болалайди

Қорақалпоғистоннинг Хўжайли туманидаги Plutos Lapin компаниясида Янги Зеландия қуёнлари парваришланаётган бўлиб, у юқори сифатли мўйна етиштириб, аҳолига парҳез гўшт етказиб бермоқда. Бу ҳақда ЎзА хабар бермоқда.

Бу ерда кўпайтириш учун хориждан 114 бош Янги Зеландия қуёни келтирилган. Банк томонидан тақдим этилган кредит маблағининг 100 миллион сўмига қуёнлар яшаши учун қулай шароит яратилган.

Хабар беришларича, бу қуёнлар йилига тўрт марта болалайди. Агрофирмада қуёнларнинг сонини 10 минг бошга етказиб, йилига 2 тонна парҳез гўшт етиштириш режалаштирилган.

Айни пайтда 4000 бошга мўлжалланган қуёнхона, 400 тонна полиз-сабзавот маҳсулотлари сақланадиган музлатгичли омборхонани қуриш ишлари олиб борилаётган бўлиб, иншоот Наврўз байрамида фойдаланишга топширилади.

«Дарё»нинг Telegram’даги расмий канали — @toshqindaryo’га аъзо бўлинг!