Peugeot GM билан 2,2 млрд евро эвазига Opel’ни харид қилиш ҳақидаги келишувга эришди

PSA Group (Франция) General Motors’нинг Европадаги бўлинмаси ҳисобланадиган ва 1999 йилдан бери зарар кўриб ишлаб келаётган Opel’ни 2,2 миллиард евро эвазига харид қилади. Бу ҳақда икки компаниянинг қўшма баёнотида маълум қилинди, дея хабар беради «Интерфакс».

Peugeot мазкур келишув туфайли Европа бозоридаги улушини 16 фоизгача ошириш ва Renault компаниясини қувиб ўтиб, Volkswagen’дан кейинги иккинчи ўринни эгаллашга муваффақ бўлади.

PSA бош ижрочи директори Карлос Таварес операциялар реструктуризацияси ҳисобига Opel ва Vauxhall брендларини жонлантиришни режалаштирмоқда.

Маълумот учун, Opel ва Vauxhall автомобилларининг Европадаги сотуви йилига ўртача 1,2 миллион донани ташкил этади. «Дарё»нинг Telegram’даги расмий канали — @toshqindaryo’га аъзо бўлинг!