Beeline компанияси 2016 йил якунларига бағишланган матбуот анжумани ўтказди. Бу ҳақда «Дарё»га компания матбуот хизмати маълум қилди.
Компания тижорий директори Максим Ефремовга кўра, йил якунлари бўйича абонентлар сони 9 506 503 кишини ташкил этди, бу эса ўтган йил бошига нисбатан 0,1 фоизга кўп. Бир абонентнинг ўртача ойлик ҳисоб-китоби йил давомида 10 фоизга, 17 925 сўмгача ўсди. Телефон қўнғироқларининг ўртача вақти ҳам ошди ва 600 дақиқани ташкил этди (2015 йилда 540 дақиқа).
Мобил трафикдан фойдаланиш ҳам тобора кўпайиб бормоқда. Жумладан, дата-сервислардан жон бошига ўртача фойдаланиш 60 фоизга — 195 дан 316 мегабайтгача ортди.
LTE (4G) тармоғини кенгайтириш ҳам давом эттирилиб, 935 фоиз ўсишга эришилди. Мазкур технологияни республиканинг барча ҳудудида жорий этиш 2017 йилдаги муҳим вазифалар қаторига киради. Шунингдек, жорий йилда барча вилоятларни 3G тармоғи билан тўлиқ қамраб олиш режалаштирилмоқда.
VimpelCom брендининг VEON номига алмаштирилиши ҳам муҳим янгиликлардан бири ҳисобланади. Бу шу номдаги янги интернет-платформанинг ишга туширилиши билан боғлиқ. Ўзбекистонда платформанинг шу йил татбиқ этилиши мўлжалланган.
Матбуот анжуманида маҳаллий брендлар алмашмаслиги, яъни Ўзбекистонда компания Beeline бренди остида фаолият кўрсатишда давом этиши билдирилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)