Ўзбекистон Республикаси Президенти Шавкат Мирзиёев Тошкентнинг Мирзо Улуғбек туманида, эски ҳайвонот боғининг ўрнида қурилаётган 12 гектар майдонли янги истироҳат боғига Заҳириддин Муҳаммад Бобур номи берилишини эълон қилган эди.
Айни вақтда ушбу ҳудудда оғир техника ёрдамида янги объектлар учун ажратилган жойларни мавжуд кичик фавворалар, бир неча йиллик қуриган дарахтлар, кераксиз чиқиндилардан тозалаш, боғнинг кириш қисмидаги йўл чеккасини кенгайтириш, қазиш ишлари давом этмоқда.
«Дарё» мухбири Мадина Нурман қурилиш ишлари олиб борилаётган боғдан фоторепортаж тайёрлади.
Бўлажак боғда аҳолининг турли ёшдаги қатламига мўлжалланган дам олиш ва спорт билан шуғулланиш маскани, сайр учун сўқмоқлар ва кўплаб ўриндиқлар, югуриш ва велосипед йўлаклари, футбол майдони, очиқ тренажёрлар жойлаштирилиши кўзда тутилган.
Боғда 150 ўринли қаҳвахона барпо этилади, кўл марказидаги оролча эса тўй тадбирлари ва фотосессиялар учун мўлжалланган. Сув ҳавзаси қирғоғида қайиқлар учун кичикроқ жой ажратилади.
Янги боғ 1 июнь — Халқаро болаларни ҳимоя қилиш куни ўз фаолиятини бошлаши кутилмоқда.
Эслатиб ўтамиз, 24 январь куни Шавкат Мирзиёев Бобур номли истироҳат боғининг номини Дўстлик боғи деб ўзгартиришни таклиф қилганди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)