Россия ташқи ишлар вазирлиги сайтида 22 февраль куни «Россия ҳақида ишониб бўлмайдиган ахборот тарқатувчи мақолалар намуналари» номли бўлим очилди, деб ёзади Meduza.
Вазирликнинг расмий вакили Мария Захарова сўзларига кўра, бўлимда Ғарб ОАВларининг Россия ҳақида ишончсиз маълумотдан иборат хабарлари бўйича раддиялар эълон қилинади.
Хусусан, The New York Times газетаси Россия АҚШ билан келишувни бузган ҳолда ракета комплекслари жойлаштиргани ҳақида чоп этган хабар ҳам уйдирма деб эълон қилиниб, шу бўлимга жойланди. Бунда ҳеч қандай изоҳ келтирилмасдан, «FAKE» муҳри босилган мақола скриншотининг ўзи ҳавола қилинган эди.
Бўлим очилганидан сўнг бир неча соат ўтиб, газета у ҳақда мақола эълон қилди. Унда таъкидланишича, Россия ТИВ мақолаларни уйдирма деб эълон қилади, аммо ҳеч қандай далилларни келтирмайди.
27 февралдан ТИВ ўз стратегиясини ўзгартириб, скриншотлар билан биргаликда, мақоланинг уйдирмалигини тушунтириб берувчи изоҳларни ҳам эълон қила бошлади. 1 март куни бундай изоҳ NYT’нинг уйдирма хабарлар бўлими ҳақидаги мақоласи юзасидан ҳам берилди.
Изоҳ (0)