Жанубий Корея президентининг йирик коррупцион можароларига боғлиқ порахўрлик ишида айбланаётган Samsung Electronics компаниясининг собиқ раҳбари Ли Чжэ Ён майдони олти квадрат метр бўлган қамоқхона камерасида ушлаб турилади. Камерада каравот, стол, стул, раковина, ҳожатхона ва телевизор бор. Бу ҳақда The Wall Street Journal нашрига асосланиб, «Газета.ru» хабар берди.
Собиқ раҳбарга ҳафтанинг иш кунларида 7 соат, дам олиш кунлари 11 соат телевизор томоша қилишга рухсат берилган. Эътиборлиси, камерада Samsung’нинг асосий рақобатчиларидан бири бўлган LG телевизори ўрнатилган.
Ли Чжэ Ёнга бир кунда уч марта камерадан чиқишга рухсат берилган: машқ қилиш учун ярим соат, учрашувлар ва ювиниш учун ўн дақиқа вақт ажратилган.
Ли Чжэ Ён компания асос солинган 1938 йилдан бери озодликдан маҳрум қилинган биринчи раҳбар бўлди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)