КХДР мамлакат етакчиси Ким Чен Иннинг акаси Ким Чон Нам деб таъкидланаётган Шимолий Корея фуқаросининг ўлимига юрак хуружи сабаб бўлганини маълум қилди. Бу ҳақда «Газета.ru» хабар бермоқда.
КХДР Куала-Лумпур аэропортида вафот этган шахснинг ўлимига юрак хуружи сабаб бўлганини билдирувчи «жуда кучли далиллар борлиги»ни маълум қилган.
КХДРнинг БМТдаги вакили собиқ ўринбосари Ли Тонг Илнинг таъкидлашича, гўёки Ким Чон Нам организмидан топилган деб ҳисобланаётган заҳарли модда намуналари текширув учун Кимёвий қуролни тақиқлаш ташкилоти (КҚТТ)га юборилиши лозим.
«Агар модда ростдан ҳам ишлатилган бўлса, у ҳолатда намуналар КҚТТга юборилиши лозим», — деди ёрдамчи.
Аввалроқ Шимолий Корея раҳбарининг акасига нисбатан суиқасд асаб тизимини фалаж қилувчи таъсирга эга VX Nerve Agent кимёвий қуроли ёрдамида амалга оширилгани хабар қилинган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)