Ягона умумреспублика процессинг маркази ОАВларда 1 мартдан бошлаб ўзбекистонликлар пластик карта ҳисоблари бўйича овердрафт хизмати (мижознинг ҳисобида тўловни амалга ошириш учун етарлича маблағ қолмаганида, банк томонидан қарз берилиши)дан фойдаланиши мумкин бўлиши ҳақида пайдо бўлган хабарларга изоҳ берди.
«Хабарларда айни пайтда Ягона умумреспублика процессинг маркази ушбу хизматни жорий қилиш устида ишлаётгани ҳақида айтилади. Бугунги кунда ушбу функция марказ томонидан техник жиҳатдан аллақачон амалга ошириб бўлинган. Аммо якуний молиявий маҳсулотнинг ўзи фойдаланувчиларга тижорат банклари томонидан тақдим этилади», — дейилади Ягона умумреспублика процессинг маркази расмий сайтига жойлаштирилган хабарда.
Аввалроқ пластик карталар эгалари баланс ноль бўлиб турган ҳолатда ҳам товарлар ва хизматлар учун пул тўлаши мумкин бўлиши ҳақида хабар берилган эди. Бунда баланси ноль бўлган одам ўз картаси билан муайян суммани тўлаши, унинг маош картасига пул тушганидан сўнг қарз автоматик тарзда ёпилиши айтилган эди.
Изоҳ (0)