Туркияда аёл ҳарбий хизматчиларнинг ҳижобдан фойдаланишига нисбатан тақиқ бекор қилинди. Бу ҳақда «Газета.ru» хабар бермоқда.
Туркияда мазкур масала кўп йиллардан бери баҳсларга сабаб бўлади. Сўнгги йилларда мактаблар, университетларда ҳижоб ўрашга тақиқ бекор қилинган, давлат хизмати ва полициядаги аёлларга ҳижобдан фойдаланишга рухсат берилган эди.
Янги қоидаларга кўра, армия зобити, сержанти ва курсанти ҳисобланган аёллар ҳижобдан фойдаланиши мумкин. Талабга кўра, рўмол ҳарбий либос рангига мос бўлиши ва нақшли бўлмаслиги лозим.
Аввалроқ Туркия президенти Ражаб Тоййиб Эрдўғон ҳижобга тақиқни «ўтмишнинг нолиберал қолдиғи» деб атаган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)