Фарғона шаҳри ҳудудидан оқиб ўтадиган Марғилонсой каналига микро ГЭС ўрнатилиб, ишга туширилди. Фарғона политехника институти олимлари томонидан яратилган мазкур иншоот Ўзбекистонда илк бор ихтиро қилинган оддий сув генераторидир, деб хабар бермоқда ЎзА.
Тадқиқот жараёнида олти устун-траншеядаги кўча ёритиш чироқлари шаҳар электр тармоқларидан узиб қўйилиб, қурилма ёрдамида ёритиб кузатилди. Соатига 50 киловатт электр энергияси ишлаб чиқарадиган генератор электр энергиясининг узлуксизлигини таъминлаши аниқланди.
Техника фанлари доктори, профессор Сирожиддин Эргашев раҳбарлигида, «Фарғонаазот» кўмагида яратилган сув генераторини янада такомиллаштириб, вилоятдаги бошқа сув ҳавзаларида ҳам синаб кўрмоқчимиз. Изланишлар шуни кўрсатдики, чархпалак қурилмаси ёрдамида электр энергияси ишлаб чиқариш қувватини янада ошириш мумкин. Шу кунларда ушбу қурилманинг ишлаш имкониятини янада кенгайтириш устида иш олиб борилмоқда.Қайд этилишича, ускунанинг гидротрубиналари металлдан ясалган. Унинг махсус чўмичлари кинетик энергияни механик энергияга айлантириб беради. Айланма ҳаракат, ўз навбатида, электр энергияси ишлаб чиқаради.У.Рустамов, Фарғона политехника институти энергетика факультети ўқитувчиси
Айни пайтда мазкур микро ГЭС ёрдамида Фарғона шаҳридаги айрим кўча ва хиёбонлар чироқлари электр энергияси билан таъминланмоқда.
Содда ишланган ва кам харажат талаб этадиган ушбу чархпалак ГЭС электр энергиясини тежаш ва унинг узлуксизлигини таъминлашда қўл келади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)