Тошкент Давлат солиқ бошқармаси мутахассислари томонидан чакана савдо ва пулли хизматлар кўрсатиш объектларида инвентаризациядан ўтказиш ишлари амалга оширилган тўрт кун ичида 1700 га яқин терминал етишмаслиги аниқланди.
Бу ҳақда Тошкент шаҳар ҳокимлигида бўлиб ўтган матбуот анжуманида шаҳар давлат солиқ бошқармаси бошлиғи Музаффар Пардаев маълум қилди, дея хабар бермоқда «Газета.uz».
Ўн кунлик инвентаризация Ўзбекистон Президенти томонидан 15 февраль куни қабул қилинган пул билан боғлиқ муносабатларни такомиллаштириш ва пластик карточкалардан фойдаланган ҳолда ҳисоб-китобларни ривожлантириш тўғрисидаги қарори ижроси юзасидан ўтказилмоқда.
Бугун — инвентаризациянинг тўртинчи куни. Ўйлашимча, текширувлар сўнгига қадар энг камида 5000—6000 терминал етишмаслиги аниқланади.Музаффар Пардаев тўлов шаклига қараб нархларнинг сунъий равишда оширилиши ёки тушишига фуқароларнинг мурожаатлари асосида кураш олиб борилишини маълум қилди.Музаффар Пардаев, Тошкент шаҳар ДСБ бошлиғи
Режадан ташқари текширувларни ўтказишда назорат харид усулидан фойдаланиш режалаштирилган.
Мавзуга доир: Тўловни пластик карточкадан қабул қилишни рад этган тадбиркор қарийб 15 млн сўм жаримага тортилиши мумкин
Изоҳ (0)