ЦАХАЛ ҳарбий хизматчиси Элор Азария фаластинлик Абдул Фаттоҳ Шарифни ўлдиргани учун 1,5 йилга озодликдан маҳрум этилди. Бу ҳақда Meduza хабар бермоқда.
Суд Азария ўзини ҳимоя қилиш чегарасини ошириб юборган — фаластинлик пичоқ билан исроиллик ҳарбийларга ташланганида, Элор қуролсизлантириб бўлинган фаластинликнинг бошига қарата ўқ узган. Жазодан ташқари, Азариянинг ҳарбий унвони сержантдан оддий аскаргача пасайтирилган.
Ҳарбий хизматчининг адвокатлари суднинг бу қарори устидан шикоят қилмоқчи. Айблов томони Азарияни 3 йилдан 5 йилгача озодликдан маҳрум этишни сўраган эди.
2016 йилнинг 24 март куни Элор Азария Ҳевронда фаластинлик Абдул Фаттоҳ Шарифни отиб ташлаган. Шариф пичоқ билан ҳарбий хизматчига ҳужум қилган, уни бир неча бор ярадор қилиб, сўнг қуролсизлантиришган. Ҳарбий шифокор ҳисобланган Азария ҳодиса жойига 10 дақиқадан сўнг етиб келган ва фаластинликнинг бошига қарата ўқ узган. Исроиллик жабрланувчи Азариянинг таниши бўлган. Қотиллик юз берган вазият видеога олинган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)