Омск шаҳрида йўл ҳақини тўламаган йўловчини машина юкхонасига қамаб, юзига яшил тиббий суюқлик — «зелёнка» суртишга мажбур қилган 22 ёшли такси ҳайдовчисига нисбатан жиноий иш қўзғалди. Бу ҳақда Россия Тергов қўмитасининг Омск вилоят бошқармаси матбуот хизмати маълум қилди.
Жиноий иш «Ноқонуний озодликдан маҳрум этиш» моддаси бўйича қўзғатилди.
Ҳодиса 12 февраль куни рўй берди. Таксининг икки йўловчиси йўл ҳақи учун 950 рубль тўламай, қочиб қолишга ҳаракат қилди. Тергов тахминига кўра, ҳайдовчи қочоқлардан бирини тутиб олиб, уни куч билан автомобили юкхонасига жойлаштирди. Кейин йўловчини юзига яшил суюқлик суртишга мажбур қилди ва жараённи видеога олди.
Шундан сўнг жабрдийда қўйиб юборилди ва у тиббий муассасага мурожаат этди. Такси ҳайдовчисидан шаҳарни тарк этмаслик ҳақида тилхат олинди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)