Яман расмийлари БМТга исёнчи хусийлар ва уларнинг «Ансар Оллоҳ» ҳаракатини террорчи ташкилот сифатида тан олиш талаб қилинган мактуб йўллади. Бу ҳақда «Коммерсантъ» хабар берди.
Шунингдек, Яман ҳукумати Эронни исёнчи хусийларни қўллаб-қувватлашда айблади.
«Эрон Яманнинг ички ишларига аралашиш, хусийларни қуроллантириш ва ҳомийлик қилишда давом этмоқда. Бундай аралашув мамлакатда фуқаролар уруши тўхтамаётганлигининг асосий сабаби ҳисобланади», — дейилади мактубда.
Олдинроқ Яман ҳукуматини қўллаб-қувватлайдиган Бирлашган Араб амирликликлари ҳам шундай даъво билан чиққан ва Эронни хусийларга қурол етказиб беришда айблаганди.
Изоҳ (0)