2017 йилга келиб Поль Погба 5 та голли узатмани амалга оширди. Қизиқ томони, уларнинг ҳаммаси Златан Ибраҳимовичнинг голи билан якунланди.
Погба томонидан узатилган пасларни «Юнайтед»нинг бошқа футболчилари гол билан якунлай олмаяптими ёки Полнинг ўзи Златандан бошқаларга пас беришни истамаяптими — айтиш қийин.
Погба ажойиб спорт формасида, бироқ ҳамманинг диққат марказида экани унинг ишини қийинлаштиради. Ишонаманки, бугун Погбадаги талантнинг ярмига эга бўлган бошқа футболчилар келаси ёзга қадар шундай кўринишда бўлади.Вақт ўтиб Погба биз учун нақадар арзонга тушганини ҳамма тушуниб етади. Бир неча йил муқаддам феноменал футболчини 25 миллион фунтга сотиб олиш мумкин эди. Бугун эса бу пулга умидли йигитларнигига харид қилишингиз мумкин.
Шундан келиб чиқсак, келаси йилдаёқ Погба энг қиммат футболчи тамғасидан қутулади. Бу унга фойдали бўлиши мумкин.
Жозе Моуриньо, «Манчестер Юнайтед» бош мураббийи
Кучли бешликнинг Германиядан бошқа ҳамма лигасида ўйнаб чиққан Златан Ибраҳимович эса ўзининг қизиқарли рекордларини давом эттирмоқда. Бунга қадар у Италия, Испания ва Франция кубокларида рақиблар дарвозасига йўл топган бўлса, «Блэкберн»га қарши ўйинда Златан ўз рўйхатига Англияни ҳам қўшиб қўйди.
Мен ва Погбани иккинчи бўлимга келиб майдонга туширишди ва бу иш берди. Қолган турнирларда бўлгани каби Англия кубогида ҳам юришимизни давом эттираётганимиздан хурсандмиз.Англия кубогида ҳар бир ўйин финалдек гап. Бунда аутсайдер клубларнинг муваффақияти кўп кузатилади. Шундан келиб чиқиб чемпионат якунига қадар ўзимизга бўлган ишончни сақлаб қолишимиз керак.
Изоҳ (0)