Умид ҳақида
«Барселона» «Камп-Ноу»да ўтадиган жавоб ўйинида камида 5 та гол фарқ билан зафар қучиши керак. Бироқ статистика бундай реваншни тарих кўрмаганига гувоҳлик берди. Еврокубоклар плей-оффида 4 та гол фарқи билан мағлуб бўлган жамоалар ҳеч қачон кейинги босқичга чиққан эмас.
Ҳаммаси оддий. Рақиб тўп билан ҳам, тўпсиз ҳам кучлироқ кўринди. Улар яккакурашларда ютиб чиқишди, самарали ўйнашди — натижа майдонда рўй берган воқеаларга мос бўлди.Бу ерда узоқ тушунтиришларга ҳожат бор деб ўйламайман. Бу спорт, унда муаммолардан холи бўлишнинг имкони йўқ. Мен барча айбни ўз бўйнимга оламан. Ҳаммасига мураббий айбдор, чунки бу футболчилар олдин ғолиб ҳам чиқа олган.
«ПСЖ» мени ажаблантиргани йўқ. Биз уларнинг прессинги ҳақида ўйин олдидан ҳам гапиргандик. Бироқ бу ўша прессингга туриб беришимизни англатмасди. «ПСЖ» кутганимиздек ўйнади ва ўзининг энг яхши футболини намойиш этди.
Мен умидни йўқотмайман. Биз энди бешта гол уришимиз керак. Футболчиларимга ишонаман.
«Барселона» овчиси
«Барселона»ни еврокубокларда 5 та гол фарқи билан ютишнинг имкони умуман бўлмаган. Шу кунга қадар Каталония клуби Чемпионлар лигаси доирасида 223 та беллашув ўтказган бўлса, шуларнинг 5 тасида тўртта гол фарқи билан имкониятни бой берган.Париж клуби эса «Барселона» дарвозасига бир ўйинда 4 та гол уришга муваффақ бўлган олтинчи клубга айланди. Бунга қадар «Милан», «Динамо Киев», «Валенсия», «Челси» ва «Бавария» шундай бахтга эришганди.
Ҳеч кимни қўрқитмоқчи эмасмиз. Бироқ бу ўйинни енгиш биз учун жуда муҳим эди ва биз фантастик ғалабага эришдик. Таркибида жаҳоннинг энг яхши футболчилари тўп сурадиган клубни 4 та гол фарқи билан таслим қилиш иложсиз эди.Ҳаммаси аъло даражада бўлди. Мураббийдан тортиб футболчилар, персонал ва мухлисларгача ўзларини яхши томондан намоён қила олишди.
Бироқ фақатгина 1 та ўйин ютилди. Олдинда эса бутун бошли 95 дақиқа кутиб турибди. У бугунгисидан ҳам оғирроқ бўлади. Бугун биз озгина байрам қиламиз ва шундан кейин тайёргарликда давом этамиз.
Носир Ал-Ҳалайфи, «ПСЖ» президенти
Тўхтатилган Месси
Аргентиналик ҳужумчи Лионель Месси «ПСЖ»га қарши ўйин давомида бирор марта ҳам рақиб жарима майдончаси ичида тўп билан намоён бўлмади. Ҳимоячилар унга бу ҳудудга кириш имконини бермади.
Месси фақат бир марта ноаниқ зарба берди. Икки бор муваффақиятли дриблингни амалга оширди ҳамда шунча марта тўпни олдириб қўйди. Шуларнинг бири «Барселона» дарвозасининг ишғол қилиниши билан якунланди.
Бугун биз учун ҳар тарафлама омадсиз кун бўлди. Жавоб ўйинида қийин бўлади, бироқ биз бор кучимизни сафарбар этамиз.Ишга муносабат ҳақида гапиришни истамасдим. Бу жамоамизнинг ҳар бир футболчисига тегишли муаммо эмас. Агар мағлубиятга сабаб бошқа жойда бўлса, футболга муносабат ҳақида гапириш мавҳум тушунча. Рақиб ўзининг энг яхши ўйинини кўрсатди ва ўйнашга имкон бермади, биз эса йўқ.
Бугун ҳаммамиз учун ёмон кун бўлди. Бу саҳифани тезроқ ўтказиб юборишимиз жуда муҳим. Бизда бошқа мусобақалар ҳам борлигини унутманг!
«Немис машинаси»
Юлиан Дракслернинг Парижга олиб келиниши ўзини тўла оқлади. Кеча у «Барселона»нинг мағлуб этишида муҳим фигура бўла олди ва рақиб дарвозасига киритилган иккинчи голга муаллифлик қилди.
Шу тариқа Дракслер «ПСЖ» либосини кийганидан буён барча мусобақалардаги дебют ўйинида гол киритишга муваффақ бўлди. Франция кубогининг «Бастия»га қарши кечган ўйинида Юлиан гол уриб, жамоасининг 7:0 ҳисобидаги ғалабасини таъминлаганди. Кейин эса чемпионат доирасида «Ренн» клубининг 1:0 ҳисобида мағлуб этилишига ўз голи билан ҳисса қўшди. Мана энди у Чемпионлар лигасидаги биринчи учрашувида ҳам ўз номини таблога ёздириб қўйди.
«Барселона» билан ўйнаш шунчаки иш эмас, бу улкан рағбатдир ҳам. У бизда илиқ ҳиссиётлар қолдирди, бироқ сергакликни йўқотмаслигимиз керак. Олдинда жавоб ўйини бор.Бугун биз рақибга бутунлай идеал футбол таклиф қилдик. Энди эса концентрацияни сақлашимиз керак, чунки рақиб бутунлай бошқача футбол ўйнаши мумкин.
Бизда ғалаба ва мағлубият ёнма-ён кетмоқда. Бугун рақибдан ҳам индивидуал, ҳам жамоавий томондан устунлик қилдик.
Унаи Эмери, «ПСЖ» бош мураббийи
Дебютант
«ПСЖ» асосий таркибида кўриниш берган 21 ёшли Пренель Кимпембе Чемпионлар лигаси доирасидаги илк учрашувини ўтказди. У шу куни майдонга туша олмаган Тиаго Сильванинг ўрнини билинтирмасликка ҳаракат қилди.
Изоҳ (0)