«Атлетико»
Испания Ла лигасининг 22-турида «Сельта»дан 2 та гол қабул қилиб олган Мадриднинг «Атлетико» клуби ўтган мавсумдаги лимитини тўлдириб қўйди.
Бир йил муқаддам Мадрид клуби бутун бир мавсум давомида 18 та гол ўтказиб юборганди. Бу сафар эса мавсум якунига 16 та тур бор бўлса-да, шунча гол ўтказиб улгурди.Килиан Мбаппе
Франция чемпионлиги сари одимлаётган «Монако» сафида бўлажак юлдузлардан бири тўп сурмоқда — Килиан Мбаппе.
«Мец» клубига қарши бўлиб ўтган 25-тур учрашувида 18 ёшли футболчи 3 та гол уришга муваффақ бўлди. Бу борада Мбаппе машҳур Тьерри Анрининг рекордини янгилади.
«Арсенал» сафида юлдузлик даражасига кўтарилган Анри «Монако»даги фаолиятида 18 та гол уриш учун 51 та ўйинда майдонга тушганди — 2663 дақиқа. Мбаппе эса 37 та ўйин — 1478 дақиқа ичида шунча гол уриб бўлди.Хабо Алонсо
Келаётган ёзда бутсаларини михга илишга қарор қилган Хаби Алонсо фаолияти давомидаги 800-учрашувини ўтказди. «Бавария»нинг «Ингольштадт»га қарши ўйинида майдонга тушган Алонсо ўзи учун тарихий натижага эришди.
Алонсо 1999 йил профессионал футболчилик фаолиятидаги илк учрашувни «Реал Сосьедад» сафида ўтказганди. Шундан кейин у «Эйбар», «Ливерпуль», «Реал Мадрид» каби жамоаларда ҳаракат қилди. 2014 йилга келиб эса Мюнхеннинг «Бавария» клубига қўшилганди.Клаудио Раньери
«Лестер» 10 соатдан буён гол урмайди. Кетма-кет саккиз учрашувнинг 7 тасида имкониятни бой берган ва фақатгина 1 тасида голсиз дуранг ўйнаган Англиянинг амалдаги чемпиони Премьер-лигадан учирма бўлишга жуда яқин.
Биз ўзимизга бўлган ишонч ва формани йўқотиб қўйдик. Шунга қарамай хотирижамликни сақлаб қолишимиз керак. Кучли бўлишимиз лозим.Бу психологик муаммо деб ўйламайман. Йигитлар билан гаплашганимда, уларнинг ҳаммаси бир-бирига ёрдам беришга тайёр эканини англайман. Ишонаманки, яқин орада оёққа туриб оламиз ва АПЛда қоламиз.
Бизда ҳозирча иккита муаммо бор — гол ўтказиб юбормоқдамиз ва урмаяпмиз. Англия кубоги ва Чемпионлар лигаси ўз йўлига. Асосий мақсадимиз — Премьер-лига қолиш. Бунинг учун машғулотларда тинимсиз меҳнат қиламиз ва футболчилар билан бир ёқадан бош чиқариб гаплашиб оламиз.
Клаудио Раньери, «Лестер» бош мураббийи
Изоҳ (0)