Ўзбекистон Республикаси Президенти Шавкат Мирзиёев «Тошкент тўқимачилик ва енгил саноат институти қошида Корея Республикаси ҳукуматининг беғараз ёрдамини жалб этган ҳолда Ўқув-амалиёт тўқимачилик технопаркини ташкил этиш чора-тадбирлари тўғрисида» қарор қабул қилди. Бу ҳақда Norma хабар бермоқда.
Технопаркни ишга тушириш учун Жанубий Корея Республикаси ҳукуматининг 15 миллион доллар миқдоридаги техник кўмак воситалари (гранти) жалб этилади.
Технопарк қурилиши, зарур илмий-лаборатория жиҳози, асбоб-ускуналар, мебель ва оргтехника билан жиҳозланишини 2018 йилда якунланиши кўзда тутилган.
Янги эркин ҳудудни ташкил этишдан кўзланган мақсад талабалар ва ёш олимларни тўқимачилик, тикув-трикотаж, бўяш-пардозлаш, мато ва либослар дизайни соҳасида амалий тадқиқотлар ўтказишга ўргатиш, маҳаллий ва хорижий ташкилотлар, фан ва таълим муассасалари буюртмалари асосида илмий изланишлар олиб бориш, илғор ахборот-коммуникация, энергия ва ресурс тежовчи технологияларни қўллаган ҳолда манбашунослик, бўяш-пардозлаш, дизайн соҳасида тадқиқотлар ўтказиш, хориж профессор-ўқитувчилари раҳбарлиги остида олий квалификациядаги илмий ва илмий-педагогик кадрлар тайёрлашни таъминлашдан иборат.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)