Қиш ажойиб фасл. Ажойиблиги шундаки, маза қилиб чанада учиш ёки яхмалакка бориш мумкин. Лекин бизнинг илиқ иқлимда ҳар доим ҳам чанада учиш имкони бўлмаса-да, бемалол конькида учиш мумкин.
Чиройли кўриниш ва совқотмаслик учун яхмалак сайрига қандай кийинса бўлади?
1. Бу қишда пуховиклар тамомила модага қайтди, лекин ўзига хос бичим ва шаклларда. Демак кўршапалак енгли куртка айни муддао бўлади. Уни иссиқ водалазка, шaпка ва елкага тақиладиган кичкина сумкача билан тўлдириш мумкин.
2. 2017 йилда сариқ ранг жуда урф бўлди. Бемалол сариқ рангли куртка кийсангиз бўлади. Агар юбка киймоқчи бўлсангиз трапеция ёки қуёш шаклидагисини танлашингиз мумкин. Фақат иссиқ колготка кийишни унутманг.
3. Спорт услубини ёқтирувчилар калта куртка билан леггинс кийиши мумкин. Сумка ўрнида қулай бўлиши учун рюкзак тақсангиз бўлади.
4. Калта пальтода коньки учса бўладими? Бемалол иссиқ жемпер билан бирга кийсангиз бўлади. Бу кўринишга А шаклдаги юбкача ва попукли шaпка ҳам жуда мос тушади.
5. Нам ўтказмайдиган қулай шим, жун кардиган ва анъанавий қишки нақш солинган шaпка биргаликда ажойиб қиёфа яратишга ёрдам беради.
Изоҳ (0)