Transparent California ташкилоти Американинг Сан-Франциско метроси бекатларидан бирининг фарроши йил давомида 270 минг доллардан зиёд пул ишлаб топганини аниқлади, деб ёзади KTVU.
2015 йилда Пауэлл-стрит бекатида тозалик учун жавобгар бўлган Лян Чжао Чжаннинг расмий маоши қарийб 58 минг долларни ташкил этган. Шунингдек, у хизмат вақтидан ташқари вақтда бажарган ишлари учун 162 минг доллардан ортиқ тўлов олган. Бонус ва мукофот пулларини ҳисобга олганда, фаррош 271 243 доллар ишлаб топган.
Ҳужжатларга кўра, Чжан ишга ҳар куни, шу жумладан, дам олиш, байрам кунлари ва таътил вақтида ҳам келган. Иш кунининг ўртача давомийлиги 17 соатни ташкил этган.
Сан-Франциско тезюрар поездлар тизимининг ташувлар бўйича директори Пауэлл-стрит бекати бошпанасиз кишиларга хуш келгани учун бу ерда фаррошлар учун иш етарлича бўлишини маълум қилди. Унинг сўзларига кўра, Чжан ўзига топширилган ишларнинг барчасини бажарган.
Изоҳ (0)