Миллиардер Ричард Брэнсон АҚШнинг собиқ президенти Барак Обама баҳслашди — баҳс шартига кўра, миллиардер фойлбордда учишни, Обама эса кайтфсёрфинг билан шуғулланишни ўрганиши лозим эди.
Баҳсни ҳал қилиш учун, Брэнсон ва Обама миллиардернинг Виргин оролларидаги курортида пойга ўйнади. Ва унда Обама ғалаба қозонди!
Собиқ президент тахтада 100 метр масофани босиб ўтган бир вақтда Брэнсон фойлбордда атиги 50 метрни ортда қолдирган эди, холос.
Брэнсоннинг сўзларига кўра, 2008 йилги АҚШ президенти сайлови арафасида Обама Гавайи оролларида сёрфинг билан шуғулланарди. Бироқ президент бўлганидан сўнг, унинг хавфсизлик хизмати бошлиғи энди яқин 8 йил давомида сёрфинг билан шуғулланиш мумкин эмаслигини тушунтирган. Шу сабабли ҳам миллиардер собиқ президентга ўзига хос баҳс таклиф қилган.
«Унинг дунё учун қилган ишларидан сўнг, ҳақли ғалабасига ҳасад қилмайман. У ҳозир жўнаб кетган, мен эса яна сувга тушиб, кейинги баҳсларга тайёргарлик кўриш ниятидаман», — деб ёзди Брэнсон.
Миллиардер Обаманинг Виргин оролларига кейинги ташрифи вақтида собиқ президент билан яна пойга ўйнамоқчи.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)