АҚШнинг Провиденс шаҳри судьяси Фрэнк Каприо автомобиль қўйиш қоидасини икки сонияга бузгани учун жаримага тортилган аёл учун жазони бекор қилди. Бу ҳақда TJournal хабар бермоқда.
Автомобилни қўйишга тақиқ тонгги соат 8:00 дан 10:00 гача амалда бўлган, аёл эса жарима қоғозини соат 9 дан 59 дақиқа ва 58 сония ўтганда олган.
Судьянинг шаҳарда ўрнатилган қарорни бузгани ҳақидаги эътирозига аёл ўз машинасидаги соат 10:00 ни кўрсатганини баҳона қилган.
Судья эса бунга жавобан: «Нима, энди машинадаги соатни айбдор қилмоқчимисиз?», — дея киноя қилган.
Охир-оқибат, Фрэнк Каприо вақт соат 10 га яқин бўлгани ҳақида бир тўхтамга келди, жаримани бекор қилди ва ишни ёпди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)