6 февраль куни Германия шарқидаги Магдебург шаҳри ҳайвонот боғига ташриф буюрувчилар ноёб ҳисобланувчи оқ шер болаларини кўриш имкониятига эга бўлди. Бу ҳақда Associated Press нашрига асосланиб, TJournal хабар берди.
Оқ шер болалари ҳайвонот боғи ташриф буюрувчиларига илк бора намойиш қилинди. Ҳайвонот боғи вакилларининг таъкидлашича, ҳайвонлар альбинос эмас, балки уларнинг ранги генетик хусусиятларга асосланган.
Учтаси эркак ва биттаси урғочи бўлган шер болалари 2016 йил 25 декабрда дунё келган. Ҳар бирининг вазни олти килограмм ва улар жуда тез ўсмоқда. Шер болаларининг отаси Мадиба ва онаси Киара учун улар иккинчи наслдир. Уларнинг биринчи «меросхўрлари» икки шер боласи 2016 йил апрель ойида туғилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)