YouTube видеохизмати янги функция — жонли мобил трансляциялар ишга туширилишини эълон қилди. Ундан обуначилари сони 10 мингдан зиёд бўлган барча контент муаллифлари фойдаланиши мумкин, дея хабар беради «Корреспондент.net».
Мобил қурилмалардан трансляция қилиш имкони видеохостингнинг мобил дастурида ишлайди. Трансляцияни бошлаш учун учун ёзув тугмасини босиш кифоя.
Яқин орада мазкур функциядан обуначилари сони камроқ бўлган видеоблогерлар ҳам фойдаланиш имкониятига эга бўлади.
Шунингдек, YouTube вакиллари пулли хабарлар етказиладиган Суперчат (Super Chat) янада кенг кўламда фаолият кўрсатишини маълум қилди.
Суперчат ёрдамида блогерлар контентлари кўрилгани учун пул олиши мумкин. Контент муаллифлари учун Суперчат ҳозирча 20, томошабинлар учун эса 40 мамлакатда ишлайди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)