Тошкентда юз берган навбатдаги ёнғин, Россияни кутаётган ёрқин келажак, кунига 5 соатдан камроқ ухлаётган Трамп ва куннинг бошқа муҳим хабарлари

8 февралнинг эътиборга молик янгиликлари — «Дарё»нинг кечки дайжестида.

1. Тошкентдаги қурилиш моллари бозорида ёнғин чиқди. Кеча, 7 февраль куни шаҳар марказидаги «Манас» ресторани ёниб кетган эди.

2. Яман АҚШга ўз ҳудудида аксилтеррорчилик операцияларини ўтказишни тақиқлади. Тақиқ ҳақида на Пентагон ва на Яман томони расман эълон қилган.

3. Владимир Путин: Россиянинг келажаги ёрқин бўлиши муқаррар. Россия президенти бу ҳақда илм-фан ва инновациялар соҳасидаги ёш олимларга мукофот топшириш давомида маълум қилди.

4. Трамп ишлар билан бандлиги туфайли суткада 5 соатдан камроқ ухлаяпти. АҚШ президенти тунги соат 1:00 атрофида ухлашга ётади ва эрталаб 5:00 да уйғонади — чунки иш кўп.

5. Тожикистонда Наврўз байрами арафасида ва байрам кунлари ўқув юртларига миллий либосда келиш тавсия этилди. 1 мартдан бошлаб кўпчилик тожик аёллари атлас, адрас ва чакан каштали миллий либослар кияди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.