Душанбеда Ўзбекистон маҳсулотларининг биринчи ярмаркаси бўлиб ўтади

Тожикистон пойтахти Душанбеда 2017 йил март ойида Ўзбекистондаги саноат корхоналари маҳсулотларининг биринчи кўргазмали ярмаркаси бўлиб ўтади. Бу борадаги ташкилий масалалар Ўзбекистон делегациясининг Тожикистонга ташрифи доирасида муҳокама қилинди, деб хабар беради UzDaily.

Тожикистон Савдо-саноат палатаси раиси Шариф Саид Ўзбекистон делегацияси билан олиб борилган музокаралар чоғида икки давлат ишбилармон гуруҳларининг бизнес-форумини ташкил этишни таклиф қилди.

Кўргазма доирасида ўтказилиши таклиф этилган мазкур форум қўшни мамлакат маҳсулотлари билан танишиш, Тожикистон бозори ҳамда талабни ўрганиш имконини беради.

Бизнес-форум доирасида Ўзбекистон ва Тожикистон муносабатларини янги даражага кўтариш, ишбилармонлар ўртасидаги мулоқотни кенгайтириш ҳамда икки мамлакат савдо-иқтисодий кўрсаткичларини оширишга хизмат қилувчи икки томонлама манфаатли келишувларга эришилиши кутилмоқда.

Тожикистонга ташрифи доирасида Ўзбекистон делегацияси режалаштирилаётган кўргазма жойини аниқлаш учун бир неча объектларни кўздан кечирди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.