Ўзбекистонда ҳаво ҳарорати кескин пасайиши кутилмоқда

Ўзбекистонда 4—6 февраль кунлари ҳаво ҳарорати кескин пасайиши кутилмоқда. Бу ҳақда «Ўзгидромет» маркази хабар берди.

Хабар беришларича, 2—4 февраль кунлари Ўзбекистон бўйлаб ёғингарчилик бўлади, 3 февраль куни баъзи жойларда ёғингарчилик кучли бўлиши мумкин.

3—4 февраль кунлари ёмғирнинг қорга айланиши эҳтимоли бор. Баъзи жойларда шамолнинг тезлиги кучайиб, сониясига 18—23 метрни ташкил этиши мумкин.

«4—6 февраль кунлари ҳаво ҳарорати кечалари -12...-7 даража совуқгача, кундуз кунлари -5...0 даража совуққача кескин пасайиши кутилмоқда», — дейилади марказ ахборотида.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.