9 февраль санасидан эътибор Туркия йиғинини бошлайдиган футбол бўйича Ўзбекистон миллий терма жамоаси 10 февраль куни Россия Премьер-лигаси вакили «Амкар»га қарши саф тортади. Бу ҳақда «Championat.asia» нашри маълумот берди.
13 февралга қадар давом этадиган йиғинда аслида Арманистон терма жамоаси Самвел Бабаян мураббийлик қилаётган Ўзбекистон миллий терма жамоасига қарши майдонга тушиши керак эди. Бироқ Туркиядаги нотинч вазият сабаб арманистонликлар у ерга бормасликка қарор қилиб, буни ЎФФга тўғри тушунтиришга ҳаракат қилган.
Миллий терма жамоанинг навбатдаги рақиби «Амкар» Россия Премьер-лигасида 17-турдан кейин 6-ўринни эгаллаб турибди. Гаджи Гаджиев мураббийлик қилаётган жамоа ҳозирга қадар 27 очко тўплашга муваффақ бўлган.
Маълумот учун, Ўзбекистон миллий терма жамоаси яқиндагина БАА йиғинида иштирок этиб Грузия билан дуранг ўйнаган, Дания олимпия терма жамоасига эса имкониятни бой берганди.
Изоҳ (0)