Ўзбекистонда Samsung компаниясининг оммабоп Galaxy А смартфонлар сериясининг учинчи авлоди сотувга чиқди, деб ёзади «Mobinfo.uz». Ҳозирча ўзбекистонликлар сериядаги иккита моделни — Galaxy A3 (2017) ва Galaxy A5 (2017)ни харид қилиши мумкин.
Янги қурилмаларнинг корпуси 3D-шиша ва металл қоришмасидан ясалган. Galaxy А (2017) линейкаси қора, тилларанг ва ҳаворанг тусларда чиқарилган.
2016 йилги сериядан фарқли равишда, Galaxy А серияси тарихда биринчи марта IP68 стандарти бўйича сув ва чангдан ҳимояга эга бўлди. Бундан ташқари, янги смартфонларда 256 гигабайтгача кенгайтириш мумкин бўлган microSD хотира мавжуд.
Galaxy A3 (2017) 4,7 дюймли HD АМOLED экран, 13 мегапикселли асосий ва 8 мегапикселли олд камера, 2 Гб тезкор ва 16 Гб доимий хотира, 2350 мА/соат сиғимли аккумуляторга эга бўлди.
A5 (2017) модели эса 5,2 дюймли Full HD АМOLED дисплей, 16 мегапикселли асосий ва олд камера, 3 Гб тезкор ва 32 доимий хотира, 3000 мА/соат сиғимли батарея билан жиҳозланди. A3 (2017)дан фарқли ўлароқ, унда тезкор қувват олиш функцияси мавжуд.
Тошкентдаги «Флешка» савдо мажмуасида Galaxy A3 (2017)ни 2,1—2,8 миллион сўм, Galaxy A5 (2017)ни эса 2,6—3,5 миллион сўм атрофида харид қилиш мумкин.
Ушбу қурилмаларни кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархи ҳақидаги ахборот фақат танишиш учун тақдим этилган.
Изоҳ (0)