Инсайдер Эван Бласс Samsung Galaxy S8 суратини эълон қилиб, бўлажак Samsung флагманларининг барча хусусиятларини ошкор этди, деб ёзади «Hi-tech.mail.ru».
Линейкада Galaxy S8’нинг 5,8 ва 6,2 дюймли иккита версияси бўлади. Дисплейни пропорционал равишда эмас, балки фақат баландлик жиҳатидан катталаштиришди. Энди томонлар нисбати одатдагидек 16:9 эмас, 18,5:9 ни ташкил этади. Янги флагманнинг экрани телефон юзасининг 83 фоиз қисмини эгаллаган, бунга дисплейнинг қайрилмалиги ва ромларнинг минимал даражада эканлиги сабаб бўлган.
Дизайндаги асосий ўзгаришлар — «Уйга» тугмасининг ҳамда ён томондаги иккита сенсорли тугманинг олиб ташланганлиги. Бармоқ изи сканери орқа панелга, камера объективидан ўнгга жойлаштирилди.
Galaxy S8 баъзи бозорлар учун Snapdragon 835, бошқалари учун эса Exynos процессори билан чиқарилади. 4 Гб тезкор ва 64 Гб ички хотира (+microSD), 3000 ва 3500 мА/соат аккумулятор, 3,5 миллиметрли разъём, иккита динамик, 12 мегапикселли асосий ва 8 мегапикселли олд камера билан жиҳозланди.
Шунингдек, смартфонда Bixby ёрдамчиси ҳамда қурилмада клавиатура ва сичқонча билан ишлаш учун уни ўзгартирилган интерфейсли мониторга улаш имконияти пайдо бўлади.
Янги флагманлар Нью-Йоркда 29 март куни тақдим этилади, уларнинг савдоси эса 21 апрелда бошланади. Galaxy S8’нинг кичик ва катта версиялари тегишли равишда 799 ва 899 евродан сотилади.
Изоҳ (0)