Шавкат Мирзиёевнинг китоби, Трампга қарши намойишларни қўллаб-қувватлаган Обама, Тошкентга олиб келинган каркидон-қуш ва куннинг бошқа муҳим хабарлари

31 январнинг эътиборга молик янгиликлари — «Дарё»нинг кечки дайжестида.

1. Шавкат Мирзиёевнинг «Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак» номли китоби нашр этилди. Китобдан Ўзбекистон Президентининг 14 январдаги маърузаси ўрин олган.

2. Барча талабаларга, семестрни қандай баҳода якунлашидан қатъи назар, бир хил миқдорда стипендия тайинланиши мумкин. Бу қарор баҳо ортидан қувиш, яхши баҳо олиш учун моддий манфаат ва тамагирликларнинг олдини олишга хизмат қилиши кутилмоқда.

3. Барак Обама АҚШда Дональд Трампнинг қарори туфайли юзага келган намойишларни қўллаб-қувватлади. Қайд этишларича, Обама бутун АҚШ бўйлаб давом этаётган намойишларда иштирок даражасидан тўлқинланган.

4. Тошкент ҳайвонот боғига иккита каркидон-қушлар келтирилди. Қушлар ўтган йил охирида, ҳайвонларни алмашиш йўли билан олиб келинган.

5. Баҳрайн чемпиони «Ал-Ҳидд»нинг бош мураббийи: «Насаф» билан савиямиз бир хил деб кеча ҳазиллашгандим. «Насаф» Чемпионлар лигасини йирик ғалаба билан бошлаб, Баҳрайн чемпионини турнирдан чиқариб юборди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.