Фото: Тошкентда «Буюк ипак йўли» бекати қайта тикланмоқда

Тошкентнинг Мирзо Улуғбек шоҳ кўчасидаги «Буюк ипак йўли» автобус бекати қайтмоқда. Бу ҳақда «Газета.uz» хабар бермоқда.

20 январь куни Тошкентнинг Мирзо Улуғбек шоҳ кўчасида жойлашган «Буюк ипак йўли» бекатини қайта тиклаш ишлари бошланди.

Метронинг Чилонзор йўналишидаги энг сўнгги бекат номи билан номдош бўлган бекат мажмуаси 2015 йил июлида ёпилган эди.

Бир ярим йил давомида йўловчилар оралиқ масофаси 800 метр бўлган «Мусаввирлар» ёки «Сиёсатшунослик институти» бекатларига боришга мажбур бўлаётган эди.

Қайта тикланаётган бекат аввалгига нисбатан ер ости ўтиш йўлидан чиқишга яқинроқ жойлашган.

Ҳозирда бу ерда чим қоплама олиниб, майдончага асфальт ётқизилди ва бўлғуси бекат мажмуасининг металл синчлари ўрнатилди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.