Япониянинг фото ва телетасвирлар учун ҳайвонлар сақловчи Shonan Animal Production студия-питомнигининг икки нафар ходимига шер ташланиб, жиддий жароҳат етказди. Бу ҳақда Kyodo хабар берди.
Ҳодиса пойтахт Токио яқинидаги Нарита шаҳрида рўй берди. Қутқарув хизматига суратга олишга тайёргарлик чоғида 10 ёшли йиртқич қафасни тозалаётган қаровчиларга ҳужум қилгани ҳақида хабар келиб тушди. 50 ёшли аёл ва 20 ёшли йигит бош ва оёғидан жиддий жароҳат олди.
Тозалашда яна бир ходима иштирок этган, аммо у жабрланмади. Шер занжирбанд бўлгани учун қафасдан қочиб кетолмаган. Унинг тажовузига нима сабаб бўлгани ҳақида хабар берилмаган.
Shonan Animal Production студиясида йиртқич шердан ташқари, леопард, от, туя, зебра, кенгуру, маймун, ит ва мушук каби ҳайвонлар ҳам сақланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)