Шундай коллекция бор: Дўкон олдида эгасини қайғули кўринишда кутиб ўтирган итларнинг суратлари

Facebook’даги Sad Dogs Oustide Shops (Дўкон атрофидаги қайғули итлар) саҳифаси муаллифи харид учун дўконга келган хўжайинлари томонидан дўкон олдида қолдириб кетиладиган итлар суратини йиғиш билан шуғулланади. Бу ҳақда BuzzFeed нашрига таяниб, TJournal хабар берди.

Унинг бу каби суратларни йиғишига асосий сабаб, ташқарида қолдирилган итларнинг жуда ҳам қайғули ҳолатда кўринишидир. Блогни келиб чиқиши ирландиялик бўлган Энди юритади. У бу каби суратларни бир неча йил аввал, Австралия кўчаларидаги қайғули ҳолатдаги итларни кўргач йиға бошлаган.

Итлар ёлғиз ва бахтсиз кўринади, агар уларга озгина эътибор бўлса, доим хурсанд бўлади. Кўплаб одамларнинг асосий ҳаракатлари интернетда юз бераётган, тез суратларда ўзгариб бораётган дунёда, бу каби учрашувлар жуда ҳам таъсирли, албатта.Энди, блог эгаси

Мутахассислар кўчада қолдирилган итларга хўжайини ёнида бўлган тақдирда ҳам яқинлашиш ва уларга ғамхўрлик қилишни маслаҳат бермайди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.