Мадриднинг «Реал» клуби Ла лига 2016/17 йилги мавсуми 1-даврасини пешқадам сифатида якунлади. Клуб ихтиёрида битта захира ўйини бор бўла туриб, рақибларидан ўзиб кетди.
Роппа-роса бир йил муқаддам Каталониянинг «Барселона» клуби 1-даврани 45 очко билан пешқадам сифатида якунлаганди. «Реал» эса 5 очко камроқ жамғариб, 3-ўрин билан кифояланган. Мавсум якунида чемпионлик «Барселона»га насиб қилган. Клуб «Реал»дан 1 очколик фарқ билан ўзиб кетган.
«Реал»нинг бу борадаги кўрсаткичи ўтган йилги «Барселона»никидан яхшироқ бўлиши мумкин, агар «Қироллик клуби» 15 февраль куни бўлиб ўтадиган захира ўйинида «Валенсия»ни таслим қила олса. Айни вақтда Зидан жамоасининг ҳисобида 43 очко бор. 22 январь куни «Барселона» «Эйбар» майдонида зафар қуча олса, 1-даврани 41 очко билан якунлаши мумкин.
«Sports.ru» маълумотига кўра, «Реал» 1-даврани пешқадам сифатида тугатган 35 та ҳолатдан 23 тасида олтин медалларни қўлга киритган. Сўнгги 15 мавсумда Мадрид суперклуби тўртинчи бор 1-давра етакчиси бўлиш вазифасини уддалай олди.Серхио Рамос
«Реал» сардори Серхио Рамос 19-тур доирасида «Малага» дарвозасини икки бор ишғол қилиб, жамоасининг ғалабасини таъминлаб берди. Шу тариқа ҳимоячи мавсум бошидан буён урган голлари сонини 6 тага етказиб олди.
Бу ҳолат Рамос учун рекорд кўрсаткич ҳисобланади. «Қироллик клуби» сардори бунга қадар бутун бир мавсум давомида 5 тадан ортиқ гол урмаганди. Айни вақтга келиб эса мавсумнинг ярмидаёқ 6 бор муваффақият қозониб улгурди.
Изоҳ (0)