Samsung текширув чоғида Galaxy Note 7 смартфонларининг ёниб кетиши сабабини аниқлади, деб ёзади «РБК». У қурилмаларнинг ишлаб чиқарилиши тўхтатилишига ва Жанубий Корея компанияси учун миллиардлаб долларлик зарарларга сабаб бўлган эди.
The Wall Street Journal ўз манбаларига таяниб хабар қилишича, Samsung олиб борган текширув смартфонлардаги баъзи аккумулятор батареялари жуда катта бўлиб кетгани ва шу туфайли қизиб кетганини кўрсатган. Баъзи ҳолатларда ишлаб чиқаришдаги нуқсонлар аниқланган.
Шу нарса маълум бўлдики, Samsung’нинг шўъба компанияси томонидан тайёрланган батареялар қизиб кетган. Аммо Гонконгнинг Amperex Technology фирмаси ишлаб чиқарган аккумуляторларда ҳам муаммолар кузатилган.
Текширувда бир нечта бегона компаниялар қатнашди, улар мустақил тадқиқотчилар сифатида иштирок этди.
Жанубий Корея компанияси текширув натижаларини келаётган душанба куни (23 январь) расман эълон қилиши кутилмоқда.
Изоҳ (0)