Бугун,

  • USD 11014.01
  • RUB 191.8
  • EUR 10674.78

АҚШнинг Техас штатида жойлашган Сан-Антонио шаҳрида катта тошбақа ўз хўжайини қўшнисининг уйида ёнғин келиб чиқишига сабаб бўлди. Бу ҳақда UPI агентлиги хабар бермоқда.

Фото: UPI

Фото: UPI

Тахминан 70 килограммли Битс лақабли тошбақанинг қафаси икки уй ўртасидаги ҳовлида турган. Ёнғин жонивор қафасга осилган иситувчи лампани тўшакка тушириб юборган вақтда бошланган. Натижада ёнғин бошланиб, қўшни уйга ўтган.

Ёнғин бошланган уйда 4 киши, шу жумладан 2 бола бўлган. Уларнинг ҳаммаси хавфсиз жойга чиқишга муваффақ бўлган, бироқ уй биноси оловдан жиддий зарар кўрган. Ёнғин натижасида етказилган зарар 150 минг доллар миқдорида баҳоланмоқда. Тошбақа эгасининг уйи кам миқдорда зарар кўрган, тошбақанинг панжаси бироз куйган.

Рептилиянинг эгаси ҳодисани даҳшатли тасодиф деб атаган. Унинг сўзларига кўра, тошбақа у билан 15 йилдан бери яшаб келмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.

Изоҳ
Асосий янгиликлар