Техаслик 19 ёшли Жаклин Аргуэлло унинг оқ ити еттита қоп-қора кучук туққани, бундан бутун оиласининг боши гангиб қолгани ҳақида Twitter’да ёзди, дея хабар бермоқда TJournal.
Ижтимоий тармоқларнинг фойдаланувчилари мазкур ҳолатга «урғочи ит бевафолик қилибди!», қабилида якдил муносабат билдирди. Daily Mail мазкур вазиятга алоҳида эътибор қаратган.
Яқинда «она бўлган» Мокканинг эгалари сўзларига кўра, урғочи ит фақат битта – қўшнининг ўзи каби оппоқ бўлган пудели билан яқин бўлган.
Жаклининг айтишича, қўшнининг пудели – Мокканинг «бошини айлантиришга рухсат олган» ягона кўппак эди. Унинг эгалари кучукчаларнинг «отаси»ни топишда қийналмаслик учун шундай қарор қилган эди.
Шу сабабли ҳам, Мокканинг ҳомиладорлиги маълум бўлганидан сўнг, Жаклин «супер оппоқ» кучуклар дунёга келишини кутган эди.
Интернет фойдаланувчилари мазкур воқеага дарҳол киноя билан муносабат билдиришга киришиб кетган.
@NDeaCRЭНШАW тахаллусли фойдаланувчи тақдири шу итларникига ўхшаш оила тарихини ёдга олган.
https://twitter.com/NDeaCRENSHAW/status/816153189624020993
«Ёлғонлардан чарчадим», - деб ёзган Twitter’нинг бошқа бир фойдаланувчиси.
https://twitter.com/Miami_Keke/status/816096759403384836
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)