AQShning Texas shtatida joylashgan San-Antonio shahrida katta toshbaqa o‘z xo‘jayini qo‘shnisining uyida yong‘in kelib chiqishiga sabab bo‘ldi. Bu haqda UPI agentligi xabar bermoqda.
Taxminan 70 kilogrammli Bits laqabli toshbaqaning qafasi ikki uy o‘rtasidagi hovlida turgan. Yong‘in jonivor qafasga osilgan isituvchi lampani to‘shakka tushirib yuborgan vaqtda boshlangan. Natijada yong‘in boshlanib, qo‘shni uyga o‘tgan.
Yong‘in boshlangan uyda 4 kishi, shu jumladan 2 bola bo‘lgan. Ularning hammasi xavfsiz joyga chiqishga muvaffaq bo‘lgan, biroq uy binosi olovdan jiddiy zarar ko‘rgan. Yong‘in natijasida yetkazilgan zarar 150 ming dollar miqdorida baholanmoqda. Toshbaqa egasining uyi kam miqdorda zarar ko‘rgan, toshbaqaning panjasi biroz kuygan.
Reptiliyaning egasi hodisani dahshatli tasodif deb atagan. Uning so‘zlariga ko‘ra, toshbaqa u bilan 15 yildan beri yashab kelmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)