Россиядаги «Нижний Новгород—Саратов» автомобиль йўлининг Саратов вилояти ҳудудидан ўтувчи 547-километрида 15 январь, якшанба куни Москва вақти билан 01:32 да Volvo русумли юк автомобили ҳамда Toyota Verso енгил автомобили иштирокида йўл-транспорт ҳодисаси содир бўлди. Бу ҳақда Ўзбекистон ФВВ матбуот хизмати хабар бермоқда.
ЙТҲ натижасида 7 киши ҳалок бўлди. Улар орасида 2 нафар Ўзбекистон Республикаси фуқароси — 1975 йилда туғилган Людмила Бозорова ва 1992 йилда туғилган Зайнутдин Абдусаланов ҳам борлиги аниқланди.
Аввал ҳалок бўлганларнинг барчаси қирғизистонлик эканлиги билдирилганди.
Фавқулодда вазиятлар вазирлиги томонидан тегишли вазирлик ва идоралар билан ҳамкорликда ҳалок бўлганларнинг яқинларига зарур ёрдам кўрсатиш чоралари кўрилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)