«Барселона» раҳбарияти жамоа директори Пере Гратакосни клуб ҳужумчиси Лионель Мессини танқид қилганлиги учун ишдан бўшатди, дея хабар бермоқда «iSport.ua».
Гратакос ўзининг интервьюларидан бирида «Барселона» фақат Мессидан иборат эмаслигини айтиб ўтган.
«Барселона» — бу фақат Месси дегани эмас. Неймар, Суарес, Иньеста ва бошқа футболчиларсиз Месси бундай юқори даражага эриша олмасди.Пере Гратакос, «Барселона» собиқ директори
The Guardian нашрининг маълум қилишича, Каталония клуби раҳбарияти Гратакосни «клуб қизиқишларига тўғри келмайдиган фикр билдириш» банди билан айблаб, уни директорлик лавозимидан озод қилди.
Собиқ амалдорнинг «Барселона»дан кетишига аргентиналик футболчи таъсир ўтказган-ўтказмагани ҳақида маълумотлар йўқ.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)