Футбол бўйича Испания кубогининг чорак финалга йўлланма олган барча жамоа номига ойдинлик киритилди. Аввалги кунларда Мадриднинг «Атлетико» ва Каталониянинг «Барселона» клублари ўзи учун керакли натижани қайд эта олганди.
1/8 финал босқичида «Севилья» билан тўқнаш келиб қолган Зинедин Зидан бошқарувидаги «Реал» «Сантьяго Бернабеу»да 3:0 ҳисобида зафар қучганди. Сафарда бўлиб ўтган ўйинда ҳам мадридликлар 3 та гол уришга муваффақ бўлди. Шу билан бирга ўз дарвозасидан ҳам шунча гол ўтказиб юборди.
Ўйиннинг 77-дақиқасига келиб Хорхе Сампаоли бошқарувидаги «Севилья» 3:1 ҳисобида олдинда бораётганди. Жамоага янги қўшиб олинган Стеван Йоветич ҳам «Реал» дарвозасига йўл топганди. Кейинроқ эса учрашув якунига қадар «Реал» икки бор рақиби дарвозасига йўл топди. Аввалига Серхио Рамос пенальтини аниқ амалга оширган бўлса, ҳакам ҳуштаги чалинишига саноқли сониялар қолганида захирадан майдонга тушган Карим Бензема «Реал»ни мағлубиятдан қутқариб қолди — 3:3.
Бу «Реал»нинг кетма-кет 40-мағлубиятсиз серияси бўлди. Испания клубларидан ҳозиргача ҳеч кимга мана шундай узоқ мағлубиятсиз серия насиб қилмаганди. Бир ҳафта муқаддам «Барселона»нинг 39 та ўйинлик мағлубиятсиз сериясини такрорлаган «Қироллик клуби», бу сафар ўша рекордни янгилади.
Испания кубоги 1/8 финал 12 январь, пайшанба
«Эйбар» — «Осасуна» 0:0
Дастлабки ўйин: 3:0«Сельта» — «Валенсия» 2:1
Голлар: Жузеппе Росси, 61 (1:0). Винисиус Араужо, 63 (1:1). Пионе Систо, 90+3 (2:1).Дастлабки ўйин: 4:1
«Севилья» — «Реал Мадрид» 3:3
Голлар: Данило, 10-авт (1:0). Марко Асенсио, 48 (1:1). Стеван Йоветич, 53 (2:1). Висенте Иборра, 77 (3:1). Серхио Рамос, 83-пен (3:2). Карим Бензема, 90+3 (3:3).Дастлабки ўйин: 0:3
Изоҳ (0)