2 январь куни Жанубий Африка Республикасида кўп йиллик анъанага кўра, «иккинчи Янги йил» ёки Tweede Nuwe Jaar нишонланади. Байрам 19-асрда қуллик даврларида пайдо бўлган, бироқ қуллик бекор қилингандан кейин ҳам у Кейптауннинг энг асосий байрамларидан бирига айланган. 2017 йилда ҳам анъанага кўра ўтказилган карнавалнинг суратларини TJournal тақдим этди.
Қуллик тузуми авж олган даврда ЖАРда Ҳиндистон, Африка ва мадагаскарлик ўн минглаб қуллар яшаган. Маҳаллий қонунларга кўра, 2 январь куни қулларнинг ягона дам олиш куни ҳисобланган ва қуллар шу куни «ранглилар карнавали»ни ўтказган.
Дастлаб қора танлиларга тақлид қилиб, юзларига куйдирилган пўкак суриб олган артистлар ушбу байрамни масхара қилган. Ўшандан буён бу анъанага айланган ва қора танлилар карнавалда юзларига оқ гилдан ниқоб суриб олади.
Полициянинг баҳолашича, 2017 йилда 13 минг артист ва мусиқачи Кейптаун бўйлаб анъанавий йўналиш бўйича юриб ўтган ҳамда ўз чиқишларини стадионда ҳакамлар олдидаги сўнгги қўшиқ билан якунлаган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)