Австралиянинг Виктория штатидаги Лорн шаҳрида ўтаётган мусиқий фестиваль чоғида келиб чиққан тиқилинчликда 60 киши жароҳат олди. 19 киши шифохоналарга етказилди, қолганларга воқеа жойида тиббий ёрдам кўрсатилди, деб хабар беради «ТАСС».
Лорндаги ҳар йиллик мусиқий фестивалга ўн минглаб ёшлар ташриф буюради. Томошабинлар катта майсазорда ўтириб, унинг бир четида жойлашган бош саҳнада чиқиш қилаётган мусиқачиларнинг концертини томоша қилади. DMA рок-гуруҳи чиқиш қилиб бўлганидан сўнг бирданига кўп томошабинлар жойини тарк этиб, янги концерт бошланаётган бошқа саҳна олдига шошилаётганида тиқилинчлик келиб чиқди.