Тошкентдаги Алишер Навоий номидаги киносаройда режиссёр Илҳом Муҳаммадиброҳимовнинг «Қизларнинг жаҳли чиқди» номли фильми тақдимоти бўлиб ўтди. Бу ҳақда «Popcorn.uz» хабар бермоқда.
Фильмда Акбархўжа Расулов, Ҳабиб Ортиқов, Ҳусан Рашидов каби актёрлар, Зарина Низомиддинова, Наргиза Салмонова, Феруза Собитова, Муқаддас Саъдуллаева, Баҳора Арслонова каби актрисалар суратга тушган.
«Popcorn.uz» маълумотига кўра, бир йил, «Shok.uz»нинг ёзишича, бир ярим йил давомида суратга олинган комедик жанрдаги бу фильм бир неча ҳазил-мутойибага бой қисқа ҳикоялардан иборат. Фильм 28 декабрдан бошлаб Ўзбекистон кинотеатрларида намойиш қилинмоқда.
Аввалроқ Зарина Низомиддинова «Қизларнинг жаҳли чиқди» номли фильмда ўз фаолиятида илк бор ўзига ўзи овоз берганини маълум қилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)