«Юлдузлар жанги» ишқибозлари «малика Лея» Кэрри Фишер билан ёруғлик қиличлари кўтариб видолашди (фото)

«Юлдузлар жанги» киноэпопеяси ишқибозлари Калифорнияда малика Лея роли билан танилган ва 27 декабрь куни вафот этган актриса Кэрри Фишернинг хотирасини ёдга олди. TJournal’нинг ёзишича, киносага ишқибозлари актриса билан ўзига хос саҳналаштирилган видолашув уюштирган.

Кэрри Фишернинг хотирасига бағишланган тадбир таклифномаси 28 декабрь куни Facebook’да пайдо бўлган. Тадбир саҳифасида кўрсатилишича, мингдан ортиқ одам унда қатнашиш истагини билдирган.

Америкалик актриса Кэрри Фишер юрак хуружидан сўнг 60 ёшида вафот этган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.