Ўзбекистон миллий терма жамоаси сардори Одил Аҳмедов бугун — 28 декабрь куни «Ориат Доно» радиосида меҳмон бўлди, деб ёзди «Sports.uz».
Айни вақтда ҳуқуқий жиҳатдан Россиянинг «Краснодар» клубига тегишли бўлган Одил Аҳмедовнинг фикрига кўра, унга Европанинг кучли бешлик чемпионатларидан ҳам таклифлар бўлган ва улар ҳалигача бор.
5 йилдан буён Европа Лигасида тўп сураман. Ўтган йиллар ичида менга Германия, Испания ва Франция каби чемпионат клубларидан таклифлар тушди. Улар ҳозирга қадар ҳам бор.Маълумот учун, айни вақтда «Краснодар» Одил Аҳмедовнинг трансфери борасида Хитой клублари билан музокара олиб бормоқда. Аввалига «Шандонг Луненг» ярим ҳимоячи учун 8 миллион евро бериши мумкинлиги айтилган бўлса, кейинроқ Андре Виллаш-Боаш бошчилик қилаётган «Шанхай SIPG» Аҳмедов билан қизиқаётгани хабар қилинганди.Аммо таклифларни кўриб чиқиш фақатгина ўзимга боғлиқ эмас. Агентлар, клублар, умуман, трансфер ишлари борасида келишмовчиликлар бўлди.
Ўзимга қолса, Бундеслигада тўп сурган бўлардим. Менга Германия чемпионати қолганларга қараганда кўпроқ ёқади.
Одил Аҳмедов, «Краснодар» футболчиси
Изоҳ (0)