Қирғизистон президентининг акасини топиб берган Мирзиёев, машина ўғриларига қарши кескинлаштирилган чоралар, Шанхайга йўл олиши кутилаётган Одил Аҳмедов ва кунинг бошқа муҳим хабарлари

27 декабрнинг эътиборга молик янгиликлари — «Дарё»нинг кечки дайжестида.

1. Атамбаев: Шавкат Мирзиёев мен 14–15 йил кўрмаган акамни топишга ёрдам берди. Қирғизистон ва Ўзбекистоннинг ҳозирги давлат раҳбарлари ўртасидаги дўстона муносабатлари 2007 йилда — улар ҳали ўз давлатларининг бош вазирлари бўлган вақтда бошланган.

2. Ўзбекистонда автомобилларни олиб қочганлик учун жавобгарлик кучайтирилди. Транспорт воситасини ўғирлаб кетиш аввалгидек 5 йилгача эмас, балки 10 йилгача озодликдан маҳрум этилиши мумкин. 10 йил!

3. Ўзбекистон дунё иқтисодиётлари рейтингида 63-ўринни эгаллади. Биринчи поғонани 60,9 балл билан Швеция, иккинчи поғонани 59,4 балл билан Норвегия ва учинчи ўринни 59,2 балл билан Финляндия эгаллади.

4. Тошкентдаги Лабзак кўчасининг бир қисми ёпилди, яқин чорраҳаларда тирбандликлар кузатилмоқда. Кўчанинг ёпилишига «Анҳор-Локомотив» паркидаги Янги йил арчаси сабаб бўлгани тахмин қилинмоқда.

5. Оскар ва Халкни осиёликлар учун рекорд суммага сотиб олган «Шанхай SIPG» Одил Аҳмедов борасида музокара бошлади. Аввалроқ Аҳмедовга Хитойнинг бошқа бир клуби қизиқиш билдираётгани ҳақида хабар берилган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.