25 декабрь куни, 53 ёшида хонанда Жорж Майкл вафот этди. The Mirror нашри хабарига кўра, Майкл Оксфордширдаги ўз уйида вафот этган. Ўлими сабаблари маълум қилинмаган.
BBC News’нинг аниқлик киритишича, хонанда кундузи вафот этган. Полиция ҳодиса юзасидан ҳеч қандай шубҳали вазиятни қайд этмаган.
Майклнинг оиласи хонанданинг вафоти юзасидан ҳозирча ҳеч қандай қўшимча изоҳ берилмаслигини маълум қилган.
Англиялик хонанда, бастакор ва продюсер Жорж Майкл (асл исми – Йоргос Кириакос Панайоту) 1980 йилларда Wham! гуруҳи вокал хонандаси сифатида танилган. 1980 йилларнинг сўнгидан муваффақиятли яккахон хонанда ҳисобланарди.
Унинг альбомлари 100 миллиондан ортиқ нусхадан сотилган. 1987- ва 1988 йилларда яккахон хонанда сифатида чиқарган дебют альбоми – Faith ҳамда Арета Франклин томонидан ёзилган «I Knew You Were Waiting (For Me)» қўшиғи учун «Грэмми» мукофоти лауреати бўлган.
Аввалроқ, декабрь ойи бошида, Жорж Майкл Naughty Boy продюсери (Шаҳид Хон) билан биргаликда янги альбом устида иш олиб бораётгани ҳақида хабар берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)